大家好我係思古井，今日想用一條影片去同大家一齊反思一下，其實作為KOL 或者作為觀眾。
究竟為咗迎合大眾口味而去創作內容嘅KOL，即使有好多流量引起公眾關注得到海量嘅點擊「係咪就代表係一個好嘅KOL呢?」
今日井仔我就想藉住呢條影片，當中有好多信息想同各位分享，
亦都包括我自己作為一個KOL一個小小嘅成長歷程。
喺2014年4月嘅時候一個英國慈善單位進行咗兩場街頭社會實驗。
喺影片當中工作人員孭住大型顯眼嘅紙牌，入面寫住一啲侮辱窮人嘅句子，
而且亦都向其它嘅途人去大喊出一啲侮辱窮人嘅說話，吸引咗好多途人嘅注意力。
有好多路邊嘅途人亦都紛紛過去批評同埋指責，甚至乎引起警務人員嘅關注，
亦都有少數人士因此而大動肝火。
喺影片嘅上半部分，其實證明到當能夠牽動他人負面情緒，
帶動仇恨/誇張/難以置信，等等嘅情緒同埋信息，往往就係能夠吸引到最多人嘅關注。
即使大家所發放嘅信息定係一個良好正面嘅信息都好，往往就係一個負面嘅信息，
先至係最能夠有效吸引到他人關注嘅方法。
例如喺坊間有唔少嘅KOL會選擇帶動仇恨，拉一派打一派，
不停喺網上散播負能量互相仇視敵對嘅信息，從而去換取更加多流量同埋憎恨某派人士嘅支持。
透過不停攻擊他人，嘲笑他人記得，滿足吃瓜群眾落井下石嘅心理從而去吸引到更加多嘅流量。
喺呢個時候我哋就需要去反思，竟然散佈負能量係如此容易吸引到他人注意，
若然我哋選擇去散播正面訊息，咁結果又會如何呢?
呢個正正就係影片嘅下半部分，大家可以喺影片當中發現。
其實宣傳正能量，當工作人員換上 Help The Pool 嘅紙牌，
對住街邊嘅路人講希望可以幫助窮人問題嘅時候，
往往途人嘅反應就變得冷漠快速通過並唔會留有任何嘅關注。
說實話現今嘅社會風氣確實並不良好，
往往就係一啲自殘嘅挑戰/賣弄色情/ 講他人是非/嘲笑他人不幸嘅影片，
就能夠獲取最高嘅收益，但係咪就代表大家需要失去初心，
為滿足社會大眾而不停繼續散播負能量/負面信息 從而獲取流量同埋關注呢?
我自己係由2021年嘅2月一號開始拍片，而直到現在我有13000個訂閱數，
短短嘅九個月時間入面，經歷過各種唔同嘅高潮低潮，亦都經歷過迷惘。
當中亦都有諗過如何增加自己嘅流量?
係咪亦都需要隨波逐流透過攻擊他人而去獲取自己嘅成功呢?
甚至乎有其他朋友建議我，既然自己係以時政影片類型為主點解唔嘗試多啲去鬧人?
甚至乎特登整一個專欄去鬧人，將香港所有出名嘅人全部都鬧一次，
鬧一次唔夠就鬧夠兩次，到時就一定確保到自己有人睇。
但係與此同時亦都系朋友呢一番嘅建議令我陷入反思，
究竟我作為一個KOL 我係為自己而活還是係為他人而活呢?
而家正正係一個好嘅時候可以反思，作為網絡一份子嘅大家，
或許這一刻嘅自己祇不過係一個好細好細好細甚至乎係零關注度嘅小人物。
但係網絡世界嘅風氣正正係由我哋每一個微不足道形所組成，
如果作為觀眾/KOL 見我哋都唔願意去踏出第一步去改變而家嘅社會風氣，
咁我哋又點樣可以挺起胸膛稱自己為一個正常人呢?
所以希望大家可以同我一齊去為呢一個社會，即使我哋每個人嘅地位係幾咁微小都好，
都需要向社會傳達積極正面嘅訊息，改變社會歪風由你我做起。